Сцена

Современата македонска електронска сцена е во развој. Се појавија голем број нови и млади автори, но за жал сe уште е скромна што се однесува до изданијата. Што се однесува до другите фактори кои ја прават сцената - сцена, ситуацијата е следна:
Публика - постои, мала по број, но затоа таа што ја има е доволно музички едуцирана и знае да познае квалитет.
Медиуми - клучни за промоција на сцената, за жал ги има малку од овој тип (читај: еден - канал 103 и по некоја емисија на локалните телевизии). Издавачка дејност - две, три професионални издавачки куќи, од кои едната работи со најголемите македонски имиња (Трето Уво), а другата се занимава со новата македонска поп сцена (Авалон). Заедничко за двете е што се свртени кон комерцијални изданија, пазар и потрошувачи (какви - такви). PMG Recordings се јавува токму на овој простор (кој впрочем PMG Collectiv-от и го покрива преку 103ка, журки и сл.) и иако не сосема професионално, сепак успева некако да издаде две компилации - први изданија од оваа сцена. Понатаму следуваа и едно миксано CD и CDто на Psychos. За поздрав е и секој обид на самите автори, самостојно да ја издадат својата музика (НДРЈ и Сако).
Случувања (свирки, концерти, презентации..) - премалку. Скопје е далеку назад од другите градови во однос на случувањата (ноќниот живот во Скопје е супер, да, ако е супер на секој чекор да има кафулиња и да работат до 5 сабајле). Во Скопје, освен редовните журки со локални и странски DJ-и, ретко да се случува нешто покреативно на тоа поле. А потребна е само идеја и добра воља.

Автори

На овој простор е планирано да се претстават поодделно некои од музичарите, со некои информации, слики и mp3-ки.

Изданија

Macidonia class of 999 PMGCD0001